A thlawna thisen pek tlem

Association for Voluntary Blood Donation (AVBD) General Hqrs. hruaitute chuan Hripui leng avang leh lockdown avangin Mizoram-ah a thlawna thisen pek, Voluntary Blood Donation a tlahniam nasa tih an sawi.

AVBD President, C. Lalnunnema chuan kumin 2021-22 April-June (1st Qtr) chhunga a thlawna thisen pek (voluntary donation) hi Mizoram pumah 88.5% a ni tih sawiin, nikum April-June chhung khan 93% a ni tih a sawi a. A thlawna thisen pek hi a tlahniam mêk a, thla thum kalta chhunga thisen pek Unit 5372 atangin thlawna pek hi Unit 4754 a ni tih a sawi bawk.

Blood Bank a thisen khawlsa a awm loh chuan rikrum thilah harsatna a thleng thei tih sawiin C.Lalnunnema chuan, “Accident emaw, emergency thila zai te an awm palhin thisen dah-khawl a awm loh chuan thisen petu zawn chawp a ngai thin a, rikrum thilah phei chuan a buaithlak hle a ni,” a ti a. “Hri lêng avanga inkhuahkhirh chhung pawhin thisen pek runpui a huaihawt theih a, mimalin Blood Bank-ah thisen a pek  theih reng bawk,” tiin mipuite chu thisen pe turin a sawm bawk.

Comments

Popular News (Last 30 Days)

Serchhip DCSO sawn a ni