Latest News

Khawchhak tlangdung Eng pekna ti changtlung mek

Mizoram sawrkar chuan Mizoram khawchhak lam tlangdung te Eng pekna ti changtlung turin hma a la mek.

Law & Judicial Minister TJ. Lalnuntluanga chuan nimin khan 132 kV Sub-Station Khawzawl tlawhin P&E Department hmalakna te a enfiah a, hemi hnu hian Champhai Press Club-ah thuthar thehdarhtute kawmin hmalakna te a sawifiah a, he hunah hian Law Minister chuan Power & Electricity hnianghnar zawk nei turin sawrkarin theihtawp a chhuah mek zel thu sawiin, Champhai lam Eng pekna tura Zuangtui atanga kal 132 kV Line hman mek bakah, Khawzawl to Champhai 132 kV Line belhchhahna tur hrui thar thlun tum a nih thu sawiin, 132 kV Line Serchhip to Khawzawl via East Lungdar hmalakna thawh mek a nih thu leh, Serchhip to East Lungdar zawh tawh a nih bakah, East Lungdar to Khawzawl inkar siam hna thawh mek a nih thu a sawi a. Chanchinbumite chu P&E Department hmalakna te mipui hnena puanzar leh hrilhhriat kawngah theihtawp chhuah turin a sawm bawk.

Zuangtui to Champhai 132 kV Line a chhiat changin Serchhip to Khawzawl via East Lungdar 33 kV Level in Electric Current hi lak thin a ni a. 33 kV Line hi 132 kV Level-a tihsan hna thawh zawh tawh niin 132 kV Level-a charge tur hian E.Lungdar 33 kV Sub-Station hi 132 kV Level in hmanraw changtlung zawk nena siam len a ngai a, equipment hrang hrangte 132 kV Level-a upgrade vek an ngaih avangin hun reilote a zawh mai theih a ni lova, a theih anga hna kalpui mek zel a ni. Tunah hian transformer commission tura buaipui mek niin Serchhip to E. Lungdar 132 kV Level-a hlankai leh E. Lungdar Sub-Station hna te hi Serchhip enkawl a ni a, Khawzawl to E.Lungdar Line upgrade hna hi Khawzawl lamin an buaipui thung a ni.

Central Electricity Authority Meeting thutlukna angin Champhai ah hian 12.5 MVA Transformer thar leh, Khawzawl to Champhai inkar ah 132 kV Single Circuit Line (second line) thar hlak thlung tura ruahmanna a awm mek bawk a ni.

Comments

Chhiar Hlawhte