Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

I Electric Bill a dik leh dikloh chhut ve rawh le

Consumer te i harh ang u –XXVIII :

 I Electric Bill a dik leh dikloh chhut ve rawh le

- Laldinpuia, Secretary,

Serchhip District Consumer Association

Kawlphetha hi kan nunphungah hian a pawimawh ta em em mai a. A tel lovin kan awm hlei thei tawh lo. Kawlphetha kan hman man, Electric Bill te hi tunah chuan a chhut a awlsam tawh a, Meter Reader ten reading an lak chu computer hmanga chhut chhuah vek a ni tawh a, amaherawhchu Computer Operate-tu chu mihring tho an nih avangin tihsual palh te pawh a awm \hin a, hetianga Bill tihsual a awm chang chuan Department a complaint hi mipui ten kan tihtur leh kan chanvo a ni, kan bill diklo kha pek hmain kan complaint ngei ngei tur a ni (Bill pek phawt hnua complaint hi tih loh tur a ni). 

Electric Bill hi tariff mumal tak hmanga chhut vek a ni a, chu an chhutna tariff chu kan hriat chuan mipui ten kan Electric Bill a dik leh dik loh te hi kan hre thei a, kan Bill chawi tur zah dik tak kha kan chhut ve thei vek a ni. April 2021 a\angin Mizoram pumah Tariff Order thar kan hmang a. A hma ai chuan tlemin kan Eng chhit man a to ta hret. Mipui nawlpui (Domestic Connection nei) tena kan bill chhut dan awlsam tak lo tarlang dawn ila – 


Khi khi tuna kan tariff hman lai mek a ni a. I Electric Bill-a a dinglam laihawl vela Unit Consumed tih kha en kha, Consumer details Box a a hnuai bera Contracted load tih kha en bawk la, khami pahnih a\ang khan i bill chawi zat tur awlsam takin i chhut ve thei dawn tihna a ni.

Entirna :

1. Contracted load kha 0.3 kw ni ta se, Unit Consumed kha 27 ni ta se, I bill chawi zat tur chhut dan chu hetiang hi a ni ang – Contracted load 0.3 leh fixed charge Rs. 50 i puntir ang a, i Unit chawi zat  27 leh Unit khat (1) hman man Rs. 4.80 i puntir bawk ang. Chumi chhuak pahnih chu i bill chawi zat tur chu tihna a ni. (0.3x50 =15, 27x4.80=129.60, 15+129.60=144.6 hei hi I bill chawi zat tur a ni.)

2. Contracted Load ah 2 ni ta se, Unit Consumed ah 169 ni ta se hei hi kan bill chawi zat tur a ni ang-

Fixed charge 2 kw x Rs 50 = Rs. 100

Unit consumed 169

a) 100 x 4.80 = Rs. 480

b) 69 x 5.50 = Rs. 379.50

TOTAL (100+480+379.50= Rs. 959.50 hi kan bill chawi tur a ni ang.)

Tiang hian awlsam takin kan Bill chawi hi a dik em, kan Eng chhit ral leh kan bill chawi hi a inmil em? Tih te awlsam takin mipui ten kan chhut ve thei a ni. Diklo a awm anih chuan Department hotute hnenah arang lama complaint \hin tur a ni.

Source :

1) Article of H.Laldikliana, MCU Aizawl.

2) P & ED Traiff Order for FY 2021-22.


Comments

  1. Contracted Load chungchangah hian Contracted Load hniam lutuk hi siamrem theihna dan a awm a, P&ED Tarif Order 1.10. in a tralan dan chuan Contracted load 0.5 kW aia hniam chu 0.5 kW anga siamrem/siampum theih a ni a. 0.5kW chin chunglam erawh chu a nihna ang anga chhut tur a ni thung.

    1.10. Rounding of Contracted Load/billing demand: For the purpose of calculation of fixed/demand charge in the monthly billing, the contracted load/billing demand shall be taken on actual basis as recorded by DISCOM office. In case, if the contracted load/billing demand found lesser than 0.5 kW or kVA shall be rounded up as 0.5 kW/kVA as the case may be. While all contracted load/billing demand above 0.5 kW/kVA shall be taken as per actual details recorded in the consumer historical
    profile data maintained by the Licensee. The Licensee should update Contracted load/Billing demand as per the provisions of clause-4.108 of JERC for Manipur and Mizoram (Electricity Supply Code) Regulations, 2013 (with up to date amendment).

    ReplyDelete

Post a Comment

Popular News (Last 30 Days)