Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

RIDF chungchang inhrilhhriatna hun hman a ni

Rural Infrastructure Development Fund (RIDF) chungchang inhrilhhriatna hun chu nimin khan Champhai-ah National Bank for Agriculture and Rural Development (NABARD), Mizoram Regional Office buatsaihin neih a ni.

RIDF chungchang inhrilhhriatna hun hi Champhai DC Maria CT. Zuali chuan kaihruaiin NABARD kaltlangin Rural Infrastructure Development Fund hnuaiah thingtlang-a hmasawnna ruhrel siamna tur project siam theih a ni chu lawmawm a tih thu sawiin, hemi hnuaia hamthatna awmte Champhai District-in a nihna tur ang taka a hman theih nana theihtawp chhuah turin sawrkar Department hotute a chah a. RIDF chungchang inhrilhriatna hun buatsaih a ni chu lawmawm a tih thu pawh sawiin, Department Project kalpuite chu neitu thinlung pu-a uluk taka enzui thin tur leh thangtharte tana hmasawnna ruhrel tha leh rotling hnutchhiah tum turin a chah bawk.

Rural Infrastructure Development Fund (RIDF) hi Sawrkar laipui leh RBI ten NABARD kaltlanga an kalpui a ni a, RIDF kaltlangin hna peng hrang hrang 37-ah te loan pekchhuah niin loan punna a tlem avang leh buaipui a awlsam avangin a remchang hle tih he huna Resource Person chuan a sawi a. Champhai District-a RIDF project-in a huam tel Department hrang hrangte chu RIDF kaltlanga hamthatna awm te ngaihven tura chahin, hmasawnna ruhrel siam kawngah thahnemngai taka thawhhopuiah a sawm a ni.

RIDF kaltlang hian Agriculture leh a kaihhnawih Sector Project-ah te loan 95% pek a ni a, Social Sector Project leh Rural Connectivity Project-ah te loan 90% a pek niin, loan punna hi kumtin za zela 2.75 a ni mek a ni. August 27, 2021 thleng khan NABARD chuan RIDF Project Mizoram (I to XXVI) kaltlangin Project pawmpui 641 thawh nan loan cheng vbc. 1596.35 a sanction tawh a, heta tang hian cheng vbc. 1000.08 chu NABARD atangin hmuh tawh niin, hei hi loan sanction atanga za zela 62.65 (62.65%) a ni a. Financial Year 2020-2021 atan cheng vbc. 266.34 sanction niin, heta tang hian cheng vbc. 151.85 chu NABARD atangin hmuh a ni tawh bawk.

Champhai District-ah chuan August 27, 2021 thleng khan Implementing Department panga- PHE, P&E, AH&Vety, FCS&CA leh I&WR Department ten project 13, RIDF loan cheng nuai 7442.61 sengin an thawk zo tawh a. Cheng nuai 6366.71 senna tur RIDF project kal lai mek 15 awm bawkin, heng bakah hian Warehouse Infrastructure Fund (WIF) hnuaiah cheng nuai 548.03 hu RIDF project 8, Horticulture leh FCS&CA Department ten an kalpui bawk a, project 8 zinga 2 te hi thawh zawh tawh niin, a dang 6 te thawh mek a ni.

Comments

Popular News (Last 30 Days)