Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Kolasib-ah Lalremsiami ropui taka hmuah a ni

Kumin Olympic Games-a India aiawha Hmeichhe Hockey inelna a tel Lalremsiami chuan Inrinni khan an khua (Kolasib) thlengin bialtu MLA leh Supply Minister, K. Lalrinliana hovin ropui taka lo hmuah a ni.

Olympian Lalremsiami hmuahna hun hi District Soil & Water Conservation Quarter thlang, Vengthar Kolasib-ah neih niin he hun hmanpuitu Supply Minister, K. Lalrinliana chuan rampum tihmingtha thin tu Lalremsiami, Kolasib mi an nei chu lawmawm a tih thu sawiin, malsawmna dawng tlaka a tumruhna leh taimakna chu Mizo thalaite tan a entawntlak a nih thu a sawi a. Harsatna hrang hrang kara a tuina kawnga beidawng lova a beihna avanga hlawhtlinna a hmu chu fakawm a tih thu a sawi bawk. He hunah hian Mizoram Sawrkarin Lalremsiami tana Inhmun a ruahman sak LSC chu Supply Minister hian Lalremsiami hnenah a hlan nghal a ni.

Tokyo Olympian Lalremsiami chuan Mizoram sawrkar leh Kolasib mipuite duhsakna leh thilpek hrang hrangah lawmthu sawiin, Mizo thalaite chu infiamna kawng hrang hrangah tumruhna leh taimakna nen hlawhtlinna chan tum a bei turin a chah a. Hlawhtlinna a chan te chu Sport & Youth Services Department kaltlanga sawrkar hmalakna leh Mizoram mipuite duhsakna vang a nih thu sawiin, rampum hlawhtlinna-a a ngaih thu a sawi bawk.

He hunah hian Lalremsiami hi mimal leh pawl ten lawmpuina thilpek hlanin Kolasib khaw chhung fankualpui a ni bawk.

Comments

Popular News (Last 30 Days)