Latest News

Bialtu MLA hmalakna in Bazar-ah CCTV bun a ni

Serchhip bialtu MLA, Lalduhoma hmalakna in nimin khan Serchhip Bazar Building chhungah CCTV Camera bun a ni.


Hun engemaw chen kalta atang khan Serchhip Bazar Building hi misual ten rawkin bungraw bo pawh a awm fo thin a, hemi chungchanga harsatna an neih te chu Ser-chhip Bazar Welfare Association chuan bialtu MLA, Lalduhoma hnenah thlenin bialtu MLA hian MLA Fund atangin CCTV Camera bunna tur hi a ngaihtuah sak a, thla hmasa khan a hmun ah enfiah niin nimin khan rawn bun fel a ni ta a ni.

Serchhip Bazar Building hi chhawng li (4) niin chhawng tinah hian Camera hi vuah theuh a nih dawn bakah pawnlam pawh vil nghal thei tura ruahman a ni a, a vaiin Camera 16 zet vuah tura ruahman niin heng zinga pahnih chu a buntu ten a thlawna an tel tel sak a ni a, IP Camera hman a ni dawn a, hei hi zan thim-ah pawh fiahfai takin thla la thei tura ngaih a ni a, David Security Solution, Chanmari Aizawl ten a bun hna an rawn thawk a, tuna CCTV Camera an bun hi a tul anga tih len zel theih tura ruahman niin cheng nuai 2 chuang senna tur a ni.

Serchhip Bazar Welfare Association chuan bialtu MLA in a lo sawi tawh anga CCTV Camera tha tak bun a ni ta chu an lawm hle tih sawiin, a hmaa Bazar chhunga bungrua an dah him lo thin te pawh tunah chuan a ziaawm tawh an beisei tih an sawi a ni.

Comments

Popular News (Last 30 Days)