Latest News

PHE Department in Tui Pump khawl siamthat hna thawk

PHE Department in Serchhip khawpui chawmna atana Tui an pump-na a Diesel khawl te chu nimin atang khan siamthat hna thawh niin Vawiin hian zawhfel theih beisei a ni.


PHE Department in Serchhip khawpui chawmna atana Tuikum tui an lakna ah hian Tuikum lui-ah Tui pump khawl an dah bakah Bazar area chawmna atan IOC Veng-ah Booster Pump an dah a. Heng hmun ah te hian Electric khawl bakah Diesel khawl te dahin Diesel khawl te hi kumin April thla atang khan hman theihloh in a awm tawh a, hemi chhung hian Electric khawl chauh hmanga tui pump in mipuite hnenah tui semchhuah a ni.

Tunhnai khan Diesel khawl chhia siam-thatna tur khawl chu cheng nuai 6.3 senga leiin nimin khan a thlak hna hi thawh a ni a, Tuikum Pump House-a Diesel khawl chhunga Water Pump chu thlak fel nghal niin Booster Pump-a Pump Set zawng zawng thlak hna pawh thawh nghal a ni a, nimin khan zawh hman ni lovin Vawiin lam hian zawhfel hman an in beisei tih hnathawh viltu Sr. SDO Er. Samuel LR. Ralte chuan a sawi.

Er. Samuel LR. Ralte chuan tun dinhmun ah thla tin Tui Connection thar 25 vel pechhuak ang an ni tih nimin a an hnathawhna hmun tlawhtu LENKAWL hrilhin, tui mamawhna a san zel avangin harsatna a thleng chho mek tih a sawi bawk.

Comments

Chhiar Hlawhte