Mizoram-ah Zirna In 112 hawn phalna pek ni tawhin Serchhip District-ah zirna In hawn tan a ni

/

COVID-19 hri leng avanga zirna In te hun rei tak khar a nih tawh hnuah Mizoram sawrkarin Aizawl Municipal Corporation (AMC) pawn lam, COVID-19 vei awmlohna khua ah School kal a rem tih hnuah District 6-a zirna In 112 te chu hawn phalna pek an ni tawh a, Serchhip District-ah pawh Zirna In hawn tan mek a ni bawk.

School Education Department Director Pu James Lalrinchhana chuan nimin-a thuthar thehdarhtute zawhna chhangin Mizoram-a District 11 zingah District 6- Aizawl,Champhai, Serchhip, Lawngtlai, Siaha leh Saitual District Bawrhsap te chuan an huamchhunga hri kai awmlohna khua ah te zirna In hawn phalna thupek an tichhuak tawh tih a sawi a, Department-in an chhinchhiah chinah zirna In 112 te chu dan pangngai a zirna chhunzawm tura phalna pek an ni tawh tih a sawi bawk.

School Education Department Director chuan zirna In 112 te chu hawn phal sak tawh ni mahse thil tihfel ngai te ala awm avang leh School building tihfai leh chinfel tur te a awm avangin Class tan tak erawh an la awm lo tih a sawi a, tunkar ah chuan Class tan an awm an beisei tawh thu a sawi a. District thenkhat ah chuan COVID-19 hri len lohna khua te finfiah chhoh mek anih thu an sawi a, Kolasib District erawh chu hrileng dinhmun ngaihchan leh phawt tum anih thu te, Mamit leh District dang te pawh ngaihchan mek anih thu a sawi bawk.

Hetihlai hian Serchhip District Bawrh-sap in District chhunga khaw 23-a zirna In hawn phalna pek tawh zingah khaw 6-ah te chuan Zirna In te hawn tan a ni tawh nia thudawn a ni a. Nimin a Serchhip DEO Office atanga thu kan dawn danin nimin thleng khan Khawlailung, Bungtlang, East Lungdar leh Khumtung-ah te chuan sawrkar School te hawn tan a ni tawh a, hei bakah hian Lungkawlh-ah Grant-in-Aid School hawn ni tawhin Thinglian-ah RMSA School hawn a ni tawh bawk.

Tunhnaia District Bawrhsap in School hawn phalna a pek zinga tel Chhiahtlang North chu Serchhip Town chhunga COVID-19 hri kai an awm avangin phalna pek hi tihtawp a nih thu niminpiah khan Serchhip DC chuan thuchhuah siamin a tarlang leh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »