Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip District-ah Sample 22,832 enfiah tawhin COVID-19 hri kai 974 hmuh an ni tawh

Nimin (August 25, 2021) thleng khan Serchhip District-ah COVID-19 hri leng mek avangin Sample 22,832 enfiah ni tawhin heng atang hian hri kai 974 hmuhchhuah an ni tawh a, hri kai zinga 883 te chu enkawl dam ni tawhin, hri kai hmuhchhuah atanga za zela 90.65 te chu enkawl dam an ni tawh a ni.


Serchhip CMO Office atanga thu kan dawn danin nikum-a Mizoram in COVID-19 a buaipui atanga nimin thleng khan ZMC-a  RT-PCR Laboratory-ah Serchhip District atanga Sample lak 2597 enfiah ni tawhin Serchhip-a TrueNat Laboratory-ah Sample 4838 enfiah a ni tawh a, Rapid Antigen Test hmangin Sample 15,397 enfiah ni tawh bawkin Sample enfiah zawng zawng hi 22,832 a tling tawh a. Heng atang hian COVID-19 hri kai 974 hmuhchhuah ni tawhin sample enfiah atanga za zela 4.26 te chuan hri an kai a ni. Serchhip District-a hri kai hmuhchhuah atang hian 883 te chu enkawl dam ni tawhin hei hi hri kai hmuhchhuah atanga chhutin za zela 90.65 a ni a, tunah hian hri kai enkawllai 88 la awmin hri kai zingah nunna chan mi 3 an awm tawh bawk a ni.

Serchhip District-a hri kai enkawllai zingah hian CCC-ah mi 51 enkawl mek niin heng te hi Nursing School CCC-ah 24 leh Integrated AYUSH Hospital CCC, Thenzawl-ah mi 27 te an ni a, In lama hri kai enkawl (Home Isolation) mi 37 awm mekin 4C-a enkawl an awm tawhlo a ni. Serchhip District-ah hian hri kai te enkawlna atan hian COVID Care Centre (CCC) 3 awmin Community COVID Care Centre (4C) hmun 7-ah a awm bawk a, tun thlengin Serchhip District a hri kai zingah ZMC-a enkawl turin mi 20 thawn ni tawh bawkin an vaiin enkawl dam vek an ni tawh a, Serchhip District-a hri kai enkawllai te hi Chhingchhip khua mi pakhat tihlo chu Serchhip leh Thenzawl khua vek an ni.

Serchhip District-ah hian COVID-19 hri leng avangin Veng panga (5) te chu Containment Zone-ah puan a ni tawh a, heng te hi Thenzawl leh Serchhip-ah 2 ve ve leh Bamboo Camp, Chhingchhip te a ni a. Thenzawl Vengthar chu Micro Containment Zone-a puan a nih tawh bakah Serchhip Vengchung VC Area chu Restricted Area-ah puan a ni tawh bawk a, heng hmun ah te hian hri leng thunun a nih hnuah sut leh vek a ni bawk.

Serchhip District-ah hian Mass Testing tum khat neih ni tawhin hei hi Serchhip Vengchung-ah a ni a, Sample 724 enfiah niin hri kai 23 hmuhchhuah an ni bawk.

Comments

Popular News (Last 30 Days)