Latest News

SDO thuthmun ah I-Day hmang

India Independence Day vawi 75-na chu nimin khan Serchhip District chhunga Civil SDO thuthmun ah te pawh hman a ni.

North Vanlaiphai-ah chuan India Independence Day hi zing dar 7:00-ah SDO (Civil) Complex-ah hman a ni a, he hunah hian SDO (Civil) Asvin Chandru chuan India Hnam Puanzar pawtparhin Hnam hla ngaihthlak a ni a, khuallian hian thu a sawi bakah he ni hriatrengna atan thingtiak a phun bawk a ni. He hun hmanna ah hian Office hrang hrang hotute leh VC bakah khawtlang hruaitute leh Sipai bang bakah sawmbik te an tel a ni.

Thenzawl-ah pawh India Independence Day hi SDO (Civil) Office Tual-ah hman a ni a, Thenzawl SDO (Civil) Amol Srivastava chuan zing dar 11:00-ah Hnam Puanzar pawtparhin India Hnam hla sak a nih bakah mipuite hnenah SDO (Civil) hian Mizo tawng in thuchah a sawi bawk a, he hunah hian Thenzawl-a zirlai titha te hnenah chawimawina hlan a ni bawk. Nimin a he hun hmanna ah hian Thenzawl-a sawrkar Department hotute leh khawtlang hruaitute an tel a ni.

Comments

Popular News (Last 30 Days)