Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Sum peipunna chungchang chhui zui mek zel a ni

Tunhnaia Serchhip-a dan lova sum peipunna chungchang chu Serchhip Police ten ngawrh takin an chhui zui mek.

Thudawn danin tunhnaia dan lova sum peipunna avanga harsatna tawk hi hriat belh zel niin Inrinni thleng khan mi 37 an tling tawh a, an zingah hian Serchhip bakah Keitum, Lunglei, Lawngtlai leh Aizawl lam te pawh an tel nia hriat a ni a, heng harsatna tawk Serchhip Police Station pantute hi Police te chuan thu lo zawtfiahin a theih angin hma an la chhunzawm nghal mek tih Police te chuan an sawi.

He sum peipunna kalpuitu nia hriat Jenny Malsawmtluangi dawr, Serchhip Tuikhuah Veng ami pahnih leh a kudam pathum te chu Serchhip Police ten mipui tlawhpawh theihloh tura an khar sak hnuah Inrinni khan an dawr leh Kudam-a bungrua awm te hi enfiahin chhinchhiah fel vek a ni a, hemi hnu hian tlawhpawh theihloh tura kalh leh nghal vek a ni bawk. Serchhip Police te chuan he sum peipunna kalpuitu ber nia hriat Jenny Malsawmtluangi Bank Account te chu freeze vek tawh a ni tih sawiin, an Car leh Scooter pawh an hren sak tawh tih an sawi bawk.

Comments

Popular News (Last 30 Days)