Naupang tan Vaccine hman theih tawh dawn

Naupang kum 12 chin chunglam tana hman theih tur COVID-19 hri danna hmasa ber pawm a ni.

    COVID-19 hri danna thar hi damdawi siamchhuaktu company pakhat Cadila Healthcare siam DNA COVID-19 vaccine ZyCoV-D a ni a. A tul thulha ramchhunga naupang kum 12 chin chunglam tana hman theih turin Central Drugs Standard Control Organisation (CDSCO) chuan a pawm ta a ni. He hridanna hi enchhin thawh 3-na paltlang tawh a ni a. CDSCO-a Subject Expert Committee-te nen inrawn a nih hnuah pawm a ni. He hri danna hi tihrawla chiu luh tur a ni lova, vun pawnlanga chiu tur a ni a, he hridanna hi tum thum lak tura siam niin, vawi khat lak atanga ni 28-na leh ni 56-na ah he hridanna hi lak tur a ni. He Vaccine enchhinna chhawng thumna ah mi 28,000-te vaccine pek niin RT-PCR a positive natna langchhuakte lakah zaa 66.6 in taksa ah hna a thawk a. Vaccine test chhawng khatna atanga chhawng thumna endik hna hi sawrkar hnuai ami nilo Data Safety Monitoring Board chuan a vil a ni.