PHE Department changtu Deputy Chief Minister Tawnluia chuan nimin khan ‘100 Days Campaign - Sustainability of ODF gains and achieving million soakpits’ chu a hawng.
Ministry of Jal Shakti, Department of Drinking Water & Sanitation hnuaia Swachh Bharat Mission (Grameen) Phase-II hmalakna, ‘100 Days Campaign - Sustainability of ODF gains and achieving million soakpits’ hawnna hi ramchhung State tinah nimin khan a ruala neih a ni a. Ni 100 Campaign neih chhung hian tuichhe sawngbawlna leh tih riralna(soakpit) tam thei ang bera siam te; Ek In chhia leh thawmthat ngaite ngai pawhmawh tura inzirtirna beihpui thlak te; In sa thar leh Indang thar te mahni puala ek In nei ngei tura inzirtirna beihpui thlak te; khaw tinah Gram Sabha neiha, faina leh thianghlimna lama khaw dinhmun enfiah leh hmalak dan tha zawk sawihona te neiin District tinah he ruahmanna hi kalpui tur a ni ang.
Comments
Post a Comment