Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Mizoram in damdawi leh mamawh lakluh kawngah harsatna nasa tak a tawk mek - Health Minister

Tunhnaia Mizoram leh Assam ramri buai vanga Mizoram chak lakna kawng Assam lamin an dan avangin Mizoram in damdawi leh mamawh hrang hrang lakluh kawngah harsatna nasa tak a tawk tih Health Minister Dr. R. Lalthangliana chuan a sawi.

Nimin-a SAD Conference Hall, Aizawl-a thuthar thehdarhtute a kawmna ah Health Minister, Dr. R. Lalthangliana chuan July ni 26 atanga Assam atanga Mizoram lamah Motor lut a awmloh thu sawiin, damdawi leh mamawh hrang hrang tangkhang a awm teuh thu a sawi a, heng damdawi tangkhang zingah hian COVID-19 vei na zual deuh te damdawi tur pawh a awm thu sawiin, Oxygen te leh damdawi dang damlo natna tuar mek te enkawlna tur an chah mek tangkhang ta chu pawi atih thu a sawi a, damdawi te chu nunna chhanna tur anih avangin Assam lamin an lo dang tlat chu a hriatthiam loh thu a sawi bawk.

Health Minister chuan Mizoram in hrileng laka buaina lian tak a tawh laia hetiang thil Assam sawrkar in an ti chu pawi a tih thu pawh sawiin, sawrkar laipui leh Assam sawrkar chu mihring nunna atan damdawi hlutzia hria a chak taka hma la turin a ngen a ni.

Health Minister chuan nimin vek khan Union Home Minister Amit Shah, Union Health Minister Mansukh Mandaviya leh Assam Health Minister Keshab Manhata te chu lehkha thawnin, nunna atana pawimawh damdawi indan sak chu thil thleng ngailo anih thu sawiin, Sawrkar laipui chu inrawlh ngei tura a duh thu a sawi bawk.

AMC huamchhunga inkharkhipna kalpui chhunzawm a nih chhan pawh sawiin, chawlhkar hnih chhungin Aizawl bikah hri kai zat 9400 ah a kai chho dawr tih a sawi a, hri kai enkawlna hmun ZMC pawh a khatin a dinhmun a ngaihtuahawm hle tih a sawi a. Tun dinhmuna damlo enkawl zingah serious tak engemaw zat an awm thu leh ICU te nen Khum 307 a awm laiin mi 400 chuang enkawl an ni tih a sawi a. Hei hian damlo enkawl kawngah pawh a tawrh phah mai a hlauhthawn-awm tih a sawi bawk.

Comments

Chhiar Hlawhte