Mipuite tana luangchhuak tawklo ah ngai

ZPM Thalaite chuan Mizoram sawrkar chu hri len laia sum a hmuh hnem ang aiin a mi te tana luangchhuak tawklo nia an hriat thu an sawi.

Nimin a thuchhuah an siamah ZPM Thalaite chuan Hri kan do mêk lai hian Mizoram sawrkâr hian sum a hmu tha tawk nia an hriat thu sawiin, Ministry of H&FW atangin nuai 1204.88 an dawn bakah, NEC leh leh DONER-a Project pathum an thehluh atangin cheng nuai 1996.26 hmuin, chuta tanga nuai 300 chu Activities Related to COVID-19 atâna pek kan nih thu an sawi.

Heng bakah hian DM&R hnuaiah Ministry of Home Affairs chuan SDRF Allocation pangngai atangin 2019-2020-ah cheng nuai 700, 2020-2021-ah nuai 728 leh 29.9.2020-ah nuai 312-te hmu in, Ministry of Ayush atangin Rs. 1,00,00,000-te hman phal sak kan nih bakah, central sawrkâr atanga Mizoram sawrkârin tanpuina a hmuh thin hlawm lian pahnih, Post Devolution Revenue Defecit Grand leh Share of Central Tax-ah beisei zat hmu-in, Share of Central Tax-ah phei chuan beisei zat aia tam sum an hmu hial niin an sawi a. Hri do lai hian Mizoram sawrkar in sum a hmuh hnem ang ai hian Mizoram sawrkâr chu a mite tâna luang chhuâk tawk lo nia an hriat thu an sawi a ni.