Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

LADC sawrkar paihthlak a ni

/

Lai Autonomous District Council-a MNF Sawrkar, CEM Manghmunga Chinzah kaihhruai chuan nimin khan House-ah fiahna a paltlang zo lo.


 Nimin-a LADC thutkhawm ah sawrkar dinglai rintawklohna Motion chu MNF Member 4 ten thehlutin, nimin chawhnu dar 2:00 khan Chairman V. Zirsanga kaihhruaina hnuaiah Motion hi House-ah sawiho a ni a. MNF Member pali ten Sawrkar dinglai an rintawklohna an tarlan ah langtlang Sawrkar an beisei chu hmuh tur a awmlo tih an sawi a, Sawrkar hna lak leh chanvo semrual ah Member te khairual a nilo tih an sawi bawk.

Sawihona neih a nih hnu hian House-ah ban pharin sawrkar bukna hi neih zui a ni a, Motion thlawp lamah mi 12 pharin sawrkar thlawp lamah mi 10 an phar thung a, South Lungpher bialtu MDC, Congress Member C. Lalmuanthanga chuan Sawrkar bukna ah hian ban a phar ve lo thung a. Hetihian LADC-a Chief Executive Member Manghmunga Chinzah kaihhruai chu paih-thlak a ni ta a ni. Nimin-a LADC Session ah hian Elected Member 25 zingah Deputy Chairman, damlohna vanga Session kaltheilo tihloh chu an kalkim a, Vawiin ah CEM thar thlan a ni ang.

Comments

Post a Comment

Popular News (Last 30 Days)