Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

ZPM Thalai in dawt sawi chinglo turin Minister an ngen

ZPM Thalaite chuan Sports Minister, Robert Romawia Royte chu dawt sawi ching tawhlo turin an ngen tih an sawi.

Nimin-a thuchhuah an siamah ZPM Thalaite chuan tun thla ni 7-a Sports Minister in Sport Department hmalakna Hnahthial-a a en tuma infiamna ruhrel an dinna kawngah Mizoram sawrkâr sum an hman loh thu a sawi chu dawt chiang tak niin an sawi a. “Kum 2020-2021 budget pharha Sport Department tâna sum dah bakah Sport Department tana Finance Department-in sum a pêk belh ringawt pawh cheng nuai 1,474.43 niin, NEC Grant atangin nuai 189, Special Central Assistance atangin nuai 788, SEDP atangin nuai 487.64 leh State Fund atangin nuai 9.79 a ni,” an ti a. Hetianga ram hruaitu in mipui hriata chiang taka dawt sawi a chîng chu mipuite zahlohna a ni tih sawiin, chîng tawh lo turin Sport Minister chu an ngen tih an tarlang bawk.

ZPM Thalaite chuan Hripui umbona tura phûllem an phah sauh sauh thu Sports Minister-in a sawi pawh khan mipuite a barakhaih hle nia sawiin, “Phûllem phah hmanga hripui umbo tawh ram pakhat tal sawi tur a hriat chuan mipuite hriata sawi turin kan phut bawk a ni,” an ti a. “Sports Minister hian Mizoram pawisa ni lo, Central Sawrkâr atanga project sawi chhuak thei bik hawia a hawive ringawt mai pawh hi, Department dang project tur Sport Department kuta dah thin tura CM hian a tih thin vang zawk a ni em?” tih chu an zawhna a nih thu an sawi bawk.

Comments

Chhiar Hlawhte