Nimin khan Mamit-ah District Bawrhsap Dr. Lalrozama IAS hovin Mamit khawpui chhunga pawl hrang hrang hruaitute leh Sawrkar officials te chu Mamit District chhunga hmasawnna hna kal mek leh hmachhawpte bakah District dinhmun hrang hrangte thlirin an thukhawm.
Mamit DC Conference Hall-a thutkhawm ah hian Mamit DC chuan Bru laklet tawhte chhawmdawlna chungchang tarlangin, a thawh 8-na ah chhungkaw 14 laletin heng mite hi an dawn tur ang pek zawh vek tawh an nih thu leh laklet thawh 9-na ah chhungkaw 199 laklet niin, an zinga chhungkaw 131 te hi kumin October ni 30 thleng chhawmdawlna pek tur an la ni a, chhungkaw 68 te chu November ni 30 thleng chhawmdawlna pek pek tur an ni tih a sawi a. Bru laklet te hi pawisafai cheng nuai 4, In sak tanpuina cheng Rs. 150,000/- leh kum hnih chhung thla tin Rs. 5,000/- bakah a thlawnin Ration pek an ni, a ti.
He hunah hian Mamit District chu Aspirational District a nih angin Aspirational District hnuaia hmalakna te kalpui mek zel a ni tih tarlan niin, heng hmalakna te bakah hri leng chungchanga hmalakna leh venhimna chungchang te pawh he hunah hian sawiho a ni bawk.
Comments
Post a Comment