Restricted Area-ah puang

/

Serchhip District Bawrhsap mawhphurhna la tu, Lalmuansanga Ralte chuan tunhnaia COVID-19 hri kai hmuhchhuahna, Serchhip Vengchung VC huamchhung chu August 16, 2021 atanga August 19, 2021 zan dar 7:00 thleng atan hmun khuahkhirh bik (Restricted Area)-ah a puang a, Serchhip Vengchung VC Area hi hri kai darh zel theihna a nih avanga Contact Tracing mumal leh chak taka kalpui a ni ang.

Hmun khuahkhirh bik-a puan chhunga cheng te chu mahni In-ah inkharkhip vek tur niin hemi huamchhunga lirthei tlan tlang turte chu chawlh emaw, din emaw phal a ni lova, rikrum thil leh hman-hmawh thil-a chhuah ngai te chuan VLTF rem-tihna la hmasa in sawrkar Dan siamsa zawmin an chhuah phal a ni ang.

Serchhip Vengchung huamchhung ah hian nimin khan COVID-19 hri kai mi 4 hmuh belh leh an ni a, heti hian kar kalta Ningani atanga Serchhip Vengchung huamchhunga hri kai hmuh hi mi 37 an tling tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »