Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

SP hnenah harsatna thlen

Tunhnaia mimal hnena sum dah avanga harsatna tawk mek te chuan nimin khan Serchhip SP hmuin harsatna an tawh te an sawipui.

Mimal hnena a pung um-a sum dah, tunhnaia harsatna tawk mek te hian Group siamin tunah hian mi 60 vel an awm mek tih an sawi a, an sum dahna hmuna dah ve mi thenkhat erawh chu an zingah hian an tello nia sawiin, nimin khan Serchhip SP, Stephen Lalrinawma chu hmuin harsatna an tawh chungchang hi an sawipui a, Serchhip SP pawhin he thil thleng chungchanga an hmalakna hrang hrangte a lo hrilh nia thudawn a ni.

Hetihlai hian he thil thleng chungchanga nimin thlenga Serchhip Police te hnena harsatna thlen chu mi 45 vel bawr an ni tawh nia thudawn a ni a, Police te chuan he thil thleng hi ngawrh taka chhui zuiin hma an la la zel a ni.

Comments

Popular News (Last 30 Days)