Vaccine la thei za zela 83.80 in Dose 1-na la tawh

Serchhip District-ah niminpiah thleng khan kum 18 chunglam, COVID-19 Vaccine la thei zingah za zela 83.80 te chu Vaccine pek an ni tawh.

    Tunhnaia Health Minister in Serchhip a rawn tlawh tuma tarlan a nih danin Serchhip District-ah hian kum 18 chunglam, COVID-19 Vaccine la thei hi mi 47,731 an awm a, Serchhip CMO Office atanga thu kan dawn danin August 26, 2021 thleng khan Serchhip District-ah hian mi 40,001 te chu COVID-19 vaccine hi Dose 1-na pek an ni tawh a, hei hi Vaccine la thei atanga chhutin za zela 83.80 a ni a, tunah hian mi 15,426 te chu Dose 2-na pek ni tawh bawkin hei hi Vaccine la thei atanga chhutin za zela 32.31 niin Vaccine la tawh zinga za zela 38.56 te chuan hri danna an lak tur hi an la kim tawh a ni.