Hri kai hmuhchhuah belh zel

Zonuna Kawlni /

Inrinni khan Serchhip District-ah COVID-19 hri kai mi 11 zet hmuhchhuah belh leh an ni.

Inrinni-a hri kai hmuhchhuah te hi Rapid Antigen Test hmanga Sample enfiah 78 te atanga hmuh niin an zinga mi 6 te chu Serchhip Vengchung mi niin tunhnaia hri kai tawh nen inkawmhnaihna nei an ni a, Zozam Veng-ah hri kai mi pakhat leh P&E Veng-ah mi pahnih hmuh niin hri kai tawh kawm-hnaihna nei an ni bawk a. Bazar Veng-ah State pawn atang rawn haw mi pakhat leh Hmar Veng-ah hri kaina hriatloh mi pakhat hmuh an ni bawk. Nimin khan hriat theih chinah Vengchung huam-chhung atangin hri kai mi 4 hmuh leh an ni bawk.

Inrinni khan Serchhip District-a hri kai enkawl mi 4 te chu IAH Thenzawl atanga chhuahtir an ni a, heti hian nimin tlai thlenga Serchhip District-a hri kai hmuhchhuah chu 894 niin an zinga 844 te chu enkawl dam an ni tawh a, hri kai en-kawllai 47 lai an awm leh tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »