CAB inzirtirna neih a ni

/

COVID-19 hri leng mek laka mipuite an him theihna tura zawm tur, Covid Appropriate Be-haviours (CAB) chungchang inzirtirna chu nimin tlai khan Serchhip Bazar-ah neih a ni.

Serchhip District Disaster Management Authority leh Serchhip Kawnpui VLTF tangkawp in an buatsaih CAB inzirtirna hi nimin tlai khan Serchhip Bazar Tual leh Market Building-ah neih niin Serchhip Kawnpui VLTF Chairman, V. Tlangthuama chuan a kaihruai a, Serchhip Addl. DC, Lalmuansanga Ralte leh Serchhip SP, Stephen Lalrinawma te chuan thu sawiin, kum khat chuang zet hri leng avanga kan buai hnuah pawh COVID-19 vanga nunna chan an la awm reng thu leh hei vang hian kan la fimkhur zel a tul thu an sawi a.

Sawrkar chuan mipui ten zalen taka an nun an hmana an khawsak phung pangngai leh eizawnna hna te a pangngaia an zawm a duh thu pawh sawiin, chutiang boruak kan neih theihna tur chuan hri leng laka kan himna tur- Kut silfai, midang nen-a inhlat-a ft. 6 kar dan tala awm leh pawn-a chhuak tur ten Hmai tuamna tha taka kan hman te chu a pawimawh thu an sawi a. Zir-bikna neih ah pawh hmaituamna hmang tha ten hri kai lovin hmaituam thatlohna ah hri a darh tih sawiin, hei vang hian mipuite chu hri leng laka himna tura heng thil te hi tha taka zawm turin an chah bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »