Latest News

Inkaihhruaina ti danglam hlekin hman chhunzawm tur

COVID-19 hri leng avanga Serchhip District mipuite tana inkaihhruaina lo siam tawh chu tun thla ni 14 thleng hman chhunzawm leh a ni dawn.

Hemi chungchanga Serchhip District Bawrh-sap leh District Disaster Management Authority-a Chairman ni bawk, Kumar Abhishek IAS in thuchhuah siama a tarlan danin Covid-19 hrilêng hluar zêl laka mipuite kan him nana July 17,2021-a inkaihhruaina lo siam tawh chu chi hnih tih danglam niin August 14, 2021 zanlai dar 12:00 thleng hman chhunzawm tur a ni dawn a. Inkaihhruaina tih danglam zingah hian Zirna In kalpui dan turah ‘COVID-19 case awm lohna khua ah te chuan Deputy Commissioner leh VLTF te ruahmanna in School an kal thei ang a. Hemi atan hian a hranpain Deputy Commissioner-in Order a chhuah ang. Zirna In hawnna ah te chuan School Education Department-in inkaihhruaina (SOP) an siam angin kal a ni ang,’ tih a ni a. Sakhaw Biak In leh Inkhawm chung-changah Kohhran inkhawm pangngai neih a la rem lo a; zing leh tlai tawngtai inkhawm erawh chu phal a ni tawh thung ang.

Comments

Chhiar Hlawhte