Hri kai thar 725 awmin enkawl dam sing thum tling

/

Mizoram-ah COVID-19 hri kai an la hmuhchhuah belh zel a, niminpiah khan Mizoram-ah Sample 7702 enfiah niin hri kai 725 hmuh belh leh an ni a, Sample enfiah atanga za zela 9.41 te chuan hri kaiin Mizoram-ah hri kai enkawl dam mi sing thum aiin an tam tawh bawk.

Niminpiah khan ZMC-a RT-PCR Laboratory-ah Sample 1647 enfiah niin heng atang hian hri kai 129 hmuh an ni a, an zinga 127 te chu Aizawl District-a Sample lak niin midang pahnih te hi Mamit District atanga Sample lak an ni thung. Aizawl District-a hri kai hmuhchhuah zingah hian Tuikual North tam berin mi 22 hmuh an ni a, a dang zawng hi Veng leh khua 23 ami niin Mamit District-a hri kai hmuhchhuah te hi Khawrihnim ve ve an ni.

District hrang hranga TrueNat Laboratory-ah Sample 331 enfiah ni bawkin heng atang hian hri kai 13 hmuh an ni a, Mamit leh Lawngtlai District atangin hri kai mi 4 ve ve hmuh niin Champhai District-ah mi 3 leh Aizawl District-ah hri kai mi 2 hmuh an ni bawk.

Rapid Antigen Test hmangin niminpiah khan Sample 5724 enfiah ni leh bawkin hri kai 583 hmuh an ni bawk a, an zingah hian Aizawl District tam berin 386 zet Aizawl-a hri kai hmuhchhuah an ni a, an zinga mi 43 te chu Zuangtui ami niin Chhinga Veng-ah 41 leh Tanhril-ah mi 33 te chu Veng mal-a hri kai hmuh tamna an ni. Kolasib District-ah hri kai mi 57 hmuh ni bawkin Mamit District-ah 56, Lawngtlai District-ah 47, Lunglei District-ah 18, Champhai District-ah 11, Siaha District-ah 7 leh Saitual District-ah hri kai mi pakhat hmuh an ni bawk.

Nimin thlenga Mizoram-a hri kai hmuhchhuah chu 42,808 niin nimin-a hri kai enkawl dam mi 589 te nen nimin tlai dar 5:00 thleng khan hri kai 30,136 te chu enkawl dam an ni tawh a. Hei hi hri kai hmuhchhuah atangin zaa 70.39 niin hri kai enkawllai 12,511 an la awm mek a ni.

Nizan hmasa dar 7:45 khan Richard Lalthanzuala (36), Lunglawn Lunglei chu Lawngtlai DCHC-ah COVID-19 vanga boralin nizan hmasa dar 8:40 khan Lalhmingthangi (87), Baktawng chu ZMC-ah a boral ve leh bawk a, nizan hmasa dar 12:20 khan Lalthlankaia (51), Dinthar Veng chu ZMC-ah boral lehin Mizoram-a COVID-19 hrik ai zingah mi 161 zet an boral ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »