YMA in tanpuina hlan fel

Zonuna Kawlni /

Serchhip Sub-Hqrs. YMA hmalakna ramri Vengtute tana mipuite thawhkhawm chu nimin khan Vairengte-ah hlan fel a ni.

Serchhip Sub-Hqrs. YMA in tanpuina an hlan te hi Vairengte Police te hnenah Chawhmeh leh thlai chi hrang hrang (407 Truck trip khat, Pik-up Truck trip 2 leh 207 Truck trip khat) hlanin, ramri venna thawk thin Vairengte Joint YMA hnenah sumfai cheng nuai khat an hlan a. Saihapui ‘V’ leh Phainuam Branch YMA te hnenah Rs. 10,000/- ve ve hlanin ramri-a Police Duty Post 6-a hman turin Water Filter pakhat theuh hlan a nih bakah Assam lam silaimu tuar, PC, Lalmuansanga chu Rs. 5000/- in kan a ni bawk. Heng tanpuina hlan tura kal YMA hruaitute hian nizan khan Serchhip an rawn thleng leh tawh a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »