Vawk thi 29 awm belh leh

Zonuna Kawlni /

Nimin khan Serchhip District-ah African Swine fever (ASF) vanga Vawk thi 29 chhin-chhih belh leh niin Vawk 8 suat leh a ni bawk.

Nimin-a ASF vanga Vawk thi chhinchhiah belh te hi khaw 8 ami te niin Keitum-ah Vawk 11 lai a thi leh a, Thenzawl leh Serchhip Kawnpui North-ah Vawk 5 ve ve thiin Darnam Veng-ah 3, New Serchhip-ah 2 leh Chhiahtlang, Chanmari leh Zote South-ah pakhat theuh a thi leh a ni. Heti hian nimin thleng khan Serchhip District-a khaw 29-ah ASF vangin Vawk 3100 a thi ta a, Vawk thi tamna ber Thenzawl-ah Vawk 879 a thi tawh a ni. Nimin khan ASF hri lenna hmunah Vawk 8 suat leh ni bawkin ASF hri lenna hmunah hian Vawk 2557 zet suat a ni tawh a ni.

Nimin khan Mualcheng khua ah chhan hriatloh in Vawk pakhat a thi leh bawk a, hei bakah hian Tuichang-ah Vawk 6 leh Thinglian khua ah Vawk 2 suat leh a ni bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »