Latest News

Chief Secretary chawimawi

Mizoram Departmental Officers Association (MDOA) chuan nimin khan Chief Secretary Lalnunmawia Chuaungo chu chawimawina hun an buatsaih.


MDOA hian Chief Secretary Lalnunmawia Chuaungo, IAS hi Mizoram sawr-kara dinhmun hrang hrang, Principal Secretary Home & Finance leh tuna Chief Secretary hna chelha a thawhna ah mahni tana pawi tur pawh ngaihtuah lova, a theihna zawng zawng senga ram leh hnam chhan nan a beih thinna avangin chawimawina hun hi a Pisa-ah an buatsaih a, he hunah hian Thuchei, Tawlhloh Puan leh Thang-chhuah Diar an hlan a ni.

He hunah hian Chief Secretary chuan ram tana a hnathawhte MDOA in an hriat sak a chawimawina an hlan chu lawmawm a tih rualin phu lo a intih thu a sawi a. “Mizo te hi kan tih tak tak chuan hnamdang te aiin kan nep bik lo a ni,” tiin Mizoram sawrkar hnuaiah Officer fel leh rintlak tak tak, khawi hmun ah mah zahpuiawm bik lo tur tam tak an awm nia a hmuh thu a sawi bawk.

Comments

Popular News (Last 30 Days)