Latest News

Hri kai mi 8 hmuh leh an ni

Nimin khan Serchhip District-ah COVID-19 hri kai mi 9 hmuhchhuah ni lehin Serchhip District-a hri kai hmuhchhuah chu 996 an tling ta.

Nimin khan hriat theih chinah Serchhip District atangin COVID-19 hri kai mi 9 hmuh a ni a, an zinga mi 7 te hi Thenzawl ami te niin Bairabi atanga hna thawk tura Serchhip-a rawn lut mi pakhat leh Serchhip Vengchung atangin hri kai mi pakhat hmuh an ni bawk. Niminpiah khan Serchhip District atanga ZMC Laboratory-a Sample enfiah 175 atangin hri kai mi 3 hmuh niin an vaiin Thenzawl khua an ni a, TrueNat Laboratory-a Sample enfiah 28 atangin hri kai mi 4 hmuh niin Vengchung vek an ni a, RAgT hmanga Sample enfiah 98 atangin Vengchung-ah hri kai pakhat hmuh a ni bawk.

Serchhip District-a hri kai enkawl zingah nimin khan mi 10 te chu enkawl dam ve leh an ni thung a, heng zinga mi 7 te hi Nursing School CCC-a enkawl niin midang pathum hi In lama enkawl an ni a, Vengchung mi 7, Bukpui-a mi 2 leh Hmar Veng a mi pakhat te an ni. Heti hian nimin tlai thleng khan Serchhip District-a hri kai hmuhchhuah chu 996 an ni ta a, an zinga 899 te chu enkawl dam ni tawhin tunah hian hri kai enkawllai 94 an la awm mek a ni.

Comments

Chhiar Hlawhte