Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

New Serchhip-ah Road Side Bazar hawn a ni

New Serchhip North Village Council in New Serchhip PWD Office bula Road Side Bazar an sak thar chu nimin tlai khan Serchhip DAO Tlangtimawia Zote chuan a hawng.


New Serchhip North Road Side Bazar hawnna hunah hian Serchhip District Agriculture Officer (DAO) Tlangtimawia Zote chuan New Serchhip North VC hmalakna a Road Side Bazar sak thar hawn a ni ta chu lawmawm a tih thu sawiin, midangte tana malsawmna hmun a nih ngeina beisei thu a sawi a. Helai hmuna thlai zuartute chu thlai thiang-hlim zuar tura theihtawp chhuah tura chahin, chemical leitha hmanga chawm ni lo thlai thar-chhuah te zawrh uar a pawimawh thu a sawi a, thlai zuartu ten harsatna an neih te a hnena thlen thin tura chahin, theihtawp a lo chhuahpui tur thu a sawi bawk.

New Serchhip North VC President, C. Lalrotluanga kaihhruai he hunah hian VC Secretary Ramtharmawia chuan an hnathawh dan a sawi a. Serchhip khawpui heltu NH. 306 laih ah khawtlang ram tihchhiat anih avangin zangna-dawmna cheng nuai 10 chuang hret an dawn thu leh hemi hmang hian he Market building hi sak a nih thu a sawi a, Bazar bakah hian zaa pakhat (1%) chu School leh Anganwadi cheithatna atana hman tura tih a nih anga an hman thu sawiin, kawng zauh hna te pawh an thawh thu a sawi bawk.

New Serchhip North Road Side Bazar hi a dung ft. 60 leh a vang ft. 8-ah ban phunin a hmalam leh sir tuak-ah ft. 2 theuh-a zauh a ni a, mi 14 thut theihna tur dawhkan siam niin an dawhkan hnuaiah hian bungrua an dahthat theih nan chhuar siam nghal vek a ni bawk a. Inthiarna pawh pakhat siam niin litre 2000 dawng tuizem pawh dah nghal a ni bawk.

He Bazar hawn tak hi New Serchhip North VC ta a ni zui dawn a, a enkawl hna erawh New Serchhip Bazar Association te kutah a awm zui nghal ang.

Comments

Popular News (Last 30 Days)