Hri kai mi 9 hmuh belh leh

Serchhip-ah COVID-19 hri kai mi 9 hmuh belh leh an ni a, an zinga mi 8 te hi tualchhung a hri inkaichhawng an ni.

Niminpiah khan Serchhip District-a TrueNat Laboratory-ah Sample 26 enfiah niin hri kai mi pakhat hmuh a ni a, Chhing-chhip khua niin tunhnaia State pawn atanga rawn haw a ni. Nimin khan Serchhip-ah Rapid Antigen Test hmangin hri kai mi 8 hmuh belh leh an ni a, heng zinga mi 4 te chu Serchhip Vengchung ami te niin Bukpui 2 bakah Hmar Veng leh Field Veng a mi pakhat ve ve an ni a, an vai hian tun-hnaia hri kai tawh nen inkawmhnaihna atanga hri kai hmuhchhuah an ni.

Nimin khan Serchhip District-ah hri kai enkawl dam an awm belh lo a, heti hian nimin tlai dar 5:00 thlenga Serchhip District-a hri kai hmuhchhuah tawh chu 910 niin an zinga 844 te chu enkawl dam an ni tawh a, tunah hian hri kai enkawllai 63 lai awm tawhin hri kai zingah mi 3 an boral tawh a ni.