Sports Minister in Lunglei-ah lungphum a phum

/

Mizoram chhim lama Standard Hockey Field hmasa ber tur ‘Leitlangpui Hockey Ground’ bultanna tur lungphum chu nimin khan Sports Minister Robert Romawia Royte chuan Lunglei Salem Veng-ah a phum a. Lunglei Ramthar Veng-a Futsal Ground tur leh Lunglei Electric Veng-a Football field awmsa tih changtlunna tur leh Astro Turf Football Ground atana Phullem phahna tur lungphum a phum bawk.

Heng hna hrang hrangte hi sawrkar laipui Ministry of Minority Affairs hnuaia Pradhan Mantri Jan Vikas Karyakram (PMJVK) Scheme kaltlanga thawh tur niin a vaiin cheng nuai 2241.46 senna tura ruahman a ni a, Project hrang hrang atan First installment pawh Mizoram Sawrkar hnenah pek a ni tawh a ni.

He hunah hian Sports Minister Robert Romawia Royte chuan Mizoram a Sports Discipline hrang hrang leh Sports Infrastructure tih hmasawn zel kawngah Sports and Youth Services Department chuan theihtawp chhuah mek zelin Sawrkar laipui kaltlanga ruahmanna liantham tak tak thawhchhoh anih tur thu a sawi a. Lunglei District-ah pawh ruahmanna hrang hrang kalpui tum niin heng Sports Infrastruture ruahman tur te hi Lunglei District thalaite mamawh chhanna a nih a, tangkai taka an hman a beisei thu a sawi a. Sports lama inkaihhruaina mumal tak Mizoram in a neih ‘Sports Policy 2019’ kaltlangin infiamna discipline hrang hrang tih hmasawn tum a nih thu leh Mizoram thalai tam zawk ten Sports hmanga eizawnna an neih theihna tura hmalak zel anih tur thu a sawi bawk.

He hunah hian Sports & Youth Services Director, Lalsangliana chuan Lunglei Salem Veng-a ‘Leitlangpui Hockey Field’ buatsaih tur chu cheng nuai 1108.70 senga PMJVK Scheme atanga sak tur a nih thu sawiin, 1st installment cheng nuai 498.92 dawn tawh a ni, a ti a. Ramthar Veng-a Futsal Ground tur chu PMJVK atangin cheng nuai 319.78 sanction niin 1st instalment cheng nuai 143.90 dawn tawh a nih thu leh Electric Veng Football Field tih changtlunna tur leh Phullem phahna tur atan hian PMJVK atang thovin cheng nuai 812.98 sanction a ni a, 1st installment cheng nuai 365.84 dawn tawh a ni tih a sawi bawk.

Sports Minister hian nimin zing khan Mizoram State Sports Academy, Lunglei Zobawk-a cheng nuai 3430.98 senna tur sak lai mek pawh a hmunah a tlawh a, Lunglei Civil Hospital-a Oxygen PSA Plant lian 1000 LPM bun na tur sak mek leh Lunglei Civil Hospital Laboratory sak mek te pawh a tlawh bawk a, Covid Test Centre pahnih te pawh tlawh in Doctor te leh Volunteer te in pêk na fakawm a tih thu a sawi a, Covid Volunteer te tan Rs. 20,000/- a hlan bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »