Latest News

Mizoram dinhmun hrang hrang tarlanna Mizoram Statistical Handbook, 2020 tlangzarh

Mizoram Statistical Handbook, 2020 chu nimin khan Economics & Statistics Director B. Lalrinhlua chuan a tlangzarh.

Directorate of Economics & Statistics Conference Hall-a Mizoram Statistical Handbook, 2020 tlangzarhna hunah hian Economics & Statistics Director B. Lalrinhlua chuan Directorate of Economics & Statistics chu mipuite'n Birth & Death Certificate chauh buaipuiah an hmu fo thin tih sawiin, amaherawhchu hei hi an hna zinga pakhat chauh a ni tih a sawi a. Hna dang pawimawh tak tak an khawih zingah Mizoram Statistical Handbook chu uluk taka Mizoram sawrkar Department hrang hrang ten ram hmasawnna tura an hmalakna te leh dinhmunte, Mizoram sik leh sa dinhmunte, zirna, hriselna, sum leh pai-a Mizoram dinhmunte leh thil tam tak tarlanna a nih avangin a pawimawh hle tih sawiin, he lehkhabu hi Mizoram sawrkar Department hrang hrangte, Research titute, Plan leh Policy siamtute leh Tourist-te'n an hmang tangkai em em thin tih a sawi bawk.

Mizoram Statistical Handbook hi kum khat dan zela tihchhuah thin a ni a. Tun tuma tlangzarh hi tihchhuah hmasak ber a nih atanga Series 23-na a ni. A chhunga Statistics-te hi Directorate of Eonomics & Statistics-in uluk takin Department hrang hrang, NGO, Kohhran leh Institution hrang hrang atanga lakhawmin, kum kalta Statistics-te nen khaikhin leh remkhawm a nih hnuah, mipuite'n an chhawr tangkai theih tura buatsaih a ni.

Mizoram Statistical Handbook, 2020-ah hian Mizoram hlimthla, kum 2019-20 leh a hmalam tarlan a ni a. Directorate of Eonomics & Statistics chuan kumtin in Statistics-te lakhawmin, Statistical Handbook chhuah loh kumah Statistical Abstract a tichhuak thin bawk a. Mizoram pum huap survey leh census hrang hrang - National Sample Survey, BPL Survey, Price Survey, Economic Census, Agriculture Census, Census of Government Employees and Workers-te leh a dangte neiin publication a tichhuak thin a. Heng bakah hian kumtin in Sector hrang hrang statistics lakhawmin Mizoram State Income, Mizoram Economic Growth Rate leh Per Capita Income-te a chhut bawk thin a ni.

Comments

Chhiar Hlawhte