Latest News

Chanmari VC-ah MNF VC thar a piang dawn

Serchhip Chanmari Village Council-ah MNF kaihhruai VC thar a piang dawn nia thudawn a ni a, hun reilote ah tihfel a nih beisei a ni.

Thudawn danin Serchhip Chanmari VC hi nikum-a VC inthlanpui neih dawna piang kha niin nikum-a VC inthlanna neih ah khan Seat 5 awm ah MNF in Seat 3 lain Congress leh ZPM in Seat khat ve ve an la a. Amaherawh chu MNF atanga thlantlin te hian VC Executive Body siamfel thei lovin MNF atanga thlantlin pakhat bakah Congress leh ZPM atanga thlantlin te hian Executive Body dinin MNF atanga thlantlin chu VCP-ah a awm a, Congress atanga thlantlin in Vice President leh ZPM atanga thlantlin in Treasurer te an chang a, hemi hnu hian VCP ni ta hian MNF Party pawh a bansan zui ve bawk a ni.

Hetianga VC an kal hnu hian tunhnai khan Congress atanga thlantlin VC Vice President hian a nihna atanga banna a thehlut nia thudawn niin MNF atanga VC Member la awm mi pahnih te nen hian Executive Body din turin ruahmanna an siam tawh nia thudawn a ni a. VC Vice President hian Serchhip District Local Administration Officer hnenah a banna lehkha hi thehlutin, hei hi Dan-ah VCP hnena thehluh tur zawk a nih avangin tihthat leh a ni a, tunah hian lehkha hi thehlut leh tawhin hun reilote ah VC Executive Body thar hi a ding dawn niin a lang a. VC Executive Body thar ah hian MNF atanga thlantlin te hian VCP leh Treasurer changin Congress atanga thlantlin hi Vice President-ah bawk a awm leh dawn nia thudawn a ni bawk.

Comments

Popular News (Last 30 Days)