Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Hri kai enkawllai 50 awm

Nimin khan Serchhip District-ah COVID-19 hri kai hmuhchhuah belh niin hri kai mi 2 te enkawl dam an ni bawk.

Nimin-a hri kai hmuh hi Thenzawl khua niin tunhnaia hri kai tawh nen inkawmhnaihna neih avanga inkhunghrang lai a ni a, nimin-a Serchhip District TrueNat Laboratory-a Sample enfiah result erawh hriat a ni rihlo thung.

Nimin khan Serchhip District-ah hri kai mi 2 te chu enkawl dam niin anmahni enkawlna hmun atanga chhuahtir an ni a. Heng hri kai en-kawl dam tak te hi BSF Sipai ve ve niin Nursing School CCC atanga chhuahtir an ni.

Heti hian nimin tlai dar 5:00 thlenga Ser-chhip District-a hri kai hmuhchhuah chu 849 la niin heng zinga 796 te chu enkawl dam an ni ta a, tunah hian hri kai enkawllai 50 la awmin hri kai zingah mi 3 an boral tawh bawk a. Serchhip District-a hri kai hmuhchhuah ah za zela 93.75 te chu enkawl dam an ni tawh a ni.

Comments

Chhiar Hlawhte