Inkaihhruaina hman lai la hman chhunzawm tur

Serchhip District chhugna COVID-19 hri leng avanga inkaihhruaina hmanlai chu August 7, 2021 zanlai thlenga hman chhunzawm tura tih a ni.

Hemi chungchanga Serchhip District Bawrhsap, Kumar Abhishek-a’n Inrinni-a thu-chhuah a siamah Mizoram sawrkar DM&R Department in Order alo siam tawh bawhzuina atan leh Covid-19 hrileng hluar zel laka mipuite kan him nana Serchhip District Bawrhsap-in July 17, 2021-a thupek siama inkaihhruaina a chhuah chu August 7, 2021 (Inrinni) zan dar 12:00 thlengin a ngai angin Serchhip District chhungah hman chhunzawm tur a ni tih a tarlang a ni.

Hei bakah hian Bawrhsap thuchhuah chuan Thênzâwl khawchhûngah hri kai an pun zel avangin a chunga sawi lan bak inkhuah-khirhna siam ngai awm nia hriat a nih chuan Sub-Divisional Officer (Civil), Thenzawl leh Village Level Task Force on Covid-19, Thenzawl te inrawn tlângin Sawrkarin inkhuahkhirhna a siam kalh si lovin, a tul angin inkhuahkhirhna dang an siam belh thei ang tih a tarlang bawk.