Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Vawk thi 3355 tling tawh

/

Serchhip District-ah African Swine Fever (ASF) vanga Vawk thi chu 3355 zet a tling tawh.

    AH& Vety Department chhinchhiahna atanga a lan danin nimin khan Serchhip District-a khaw 5-ah ASF vanga Vawk thi hi 28 zet a awm belh leh a, heng zinga 21 te hi Keitum khua ami niin Chhuanthar Tlangnuam-ah 3 leh Baktawng-ah 2 a thi a, Chhiahtlang leh New Serchhip-ah Vawk pakhat ve ve a thi bawk. Heti hian nimin thleng khan ASF vanga Serchhip District-a Vawk thi hi 3355 a tling tawh a ni. Nimin khan Chhuanthar Tlangnuam-ah Vawk 11 suat leh niin Baktawng-ah 3 suat leh a ni bawk a, Hmuntha-ah Vawk 3 suat ni bawkin Serchhip District-ah Vawk 2705 zet suat a ni tawh a ni

Comments

Post a Comment

Popular News (Last 30 Days)