COVID-19 Hri kai leh enkawl dam awm belh zel

/

Niminpiah khan Mizoram-ah Sample 6532 enfiah niin heng atang hian COVID-19 hri kai 863 hmuh leh an ni a, Sample enfiah atanga zaa 13.21 te chuan hri an kai a ni.

Niminpiah khan ZMC-a RT-PCR Laboratory-ah Sample 284 enfiah niin heng atang hian hri kai mi 37 hmuh an ni a, an vai hian Aizawl District-a Sample lak vek niin Veng leh khua 11 ami an ni a, Veng mal-a hri kai hmuhchhuah tam lutuk an awmlo a ni.

District hrang hranga TrueNat Laboratory-ah Sample 167 enfiah ni bawkin heng atang hian hri kai 36 hmuh an ni a, an zinga mi 13 te chu Lunglei District ami niin Lawngtlai District-ah 12 hmuh an ni bawk a, Hnahthial District-ah 8 bakah Aizawl, Serchhip leh Saitual District-ah hri kai mi pakhat theuh hmuh an ni bawk Hei bakah hian FIA (Fluorescent Immunoassay) hmangin Aizawl District-ah Sample 57 enfiah ni bawkin hri kai mi 2 hmuh an ni a, Serchhip khua ve ve niin Aizaw-a hri kai hmuhchhuah an nih avangin Aizawl District case-a chhiar an ni.

Rapid Antigen Test hmanga Sample enfiah 6024 atangin hri kai mi 788 hmuhchhuah an ni bawk a, an zinga 550 chu Aizawl District ami niin heng zinga 115 te chu Operation Kingdom Ministry Home, Phunchawng ami an ni a, Electric Veng-ah hri kai mi 30 hmuh niin Govt. Complex-ah 26 leh Bethlehem Vengthlang-ah hri kai mi 20 hmuh an ni a, a bak zawng te hi Veng leh khua 60 ami an ni. Kolasib District-ah hri kai mi 76 hmuh niin Mamit District-ah 53 hmuh a ni bawk a, Lawngtlai District-ah 41, Lunglei District-ah 37, Champhai District-ah 20, Siaha District-ah 8 leh Hnahthial District-ah hri kai mi 3 hmuh an ni bawk.

Nimin khan Mizoram-ah COVID-19 hri kai mi 680 te chu hri lakah fihlimin anmahni enkawlna hmun atanga chhuahtir an ni ve leh a, heti hian nimin tlai dar 5:00 thlenga Mizoram-a hri kai hmuhchhuah chu 46,320 niin heng zinga 34,402 te chu enkawl dam ni tawhin hei hi hri kai hmuhchhuah atangin zaa 74.27 an ni a, tunah hian hri kai enkawllai mi 11,746 an la awm mek a. Nimin khan hri kai zingah mi pakhat boral a awm leh avangin hri kai zingah mi 172 zet an boral ta a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »