Electric Bill sawihona nei

Serchhip District Consumers Association leh P&E Department hotute chuan nimin khan Electric Bill chungchangah inkawmna an nei.

SDCA hruaitute hi nimin khan P&E Department SDO Office-ah lengin mipui te harsatna chungchanga an zawhna leh hriatthiam loh te Department lamin fiah leh felfai taka an chhan avangin an lawm hle tih an sawi a. Electric Bill hi thla hmasa lamah COVID-19 avangin Meter reading lak a ni lova, hei vang hian a hma thla 3 kalta bill atangin average bill siam a ni a, tunah chuan Meter Reading te lak a lo ni ta a, hei vang hian mipui ten kan Unit hman dan leh kan bill dik tak kan hre thei tawh tih an sawi.

P&E Department hotute chuan Electric bill an siam ah hian an theih ang tawkin an fimkhur tih pawh sawiin, amaherawhchu tihsual palh hi a lo awm ve leh thin tih an sawi a, chuvang chuan tihsual palh an nei anih chuan siamtha turin an inhawng reng tih an sawi a. SDCA chuan Bill siam chungchanga harsatna nei chuan an hnena hriattir theih a nih thu an sawi bawk.

Comments

Popular News (Last 30 Days)

Serchhip DCSO sawn a ni