Latest News

Core Committee atangin JAC an inhnukdawk

Joint Action Committee on Inner Line Reserved Forest Demand chuan sawrkar in ramri ngaihtuah tura a din Core Committee atangin an inhnukdawk tih an sawi.

Nimin a thuchhuah an siamah JAC on Inner Line Reserved Forest Demand chuan Mizoram leh Assam inkar ramri tharum telloa chingfel tura All Party, All Ngo leh JAC ten Joint Memorandum siama India Prime Minister hnena Nov. 23, 2018-a an lo thehluh chuan nasa taka awmzia a nei nia sawiin, lawmawm an ti takzet tih an sawi a, he Joint Memorandum-ah hian document pawimawh leh rintlak tak tak 19 lai zeh tel a ni nghe nghe tih an sawi a. Amaherawh chu JAC ten document an thehluh chu tunhnaiah Chief Secretary in ‘rintlak loh’ tia a rawn thawnlet leh chu pawi an ti takzet tih an sawi a, heng a rawn thawnlet te hi Mizoram sawrkar chuan document rintlak ah ngaiin October 16, 2020 khan sawrkar laipui-ah endorse tiin a lo thehlut tawh tih an sawi bawk.

Hetiang a thu a in kawkalh tak si ah chuan Sawrkar lu ti hai tu an ni palh ang tih hlau in JAC te chu sawrkar in ramri ngaihtuah tura a din, Core Committee atangin an inhnukdawk ta tih an sawi a, ‘Zoram hi Zofa zawng zawngte chenna atana Lalpa’n Kumpinu Sawrkar kaltlanga BEFR 1875-a ramri lung 46 zet phuna min pek a ni tih hre chungin inchi khat pawh kan chan tur a ni lo tih hria in lungrual tak in JAC hmalakna ah i pen rual zel ang u,’ an ti bawk.

Comments

Chhiar Hlawhte