Hri kai 838 an tling tawh

/

Serchhip District-ah COVID-19 hri kai hmuh an la awm belh zel a, nimin thleng khan hri kai 838 hmuh an ni tawh.

Zirtawpni khan ZMC-a RT-PCR Laboratory-ah Serchhip atanga Sample thawn 183 enfiah niin hri kai mi 10 hmuh an ni a, Thenzawl khua vek an ni. Rapid Antigen Test hmanga Sample enfiah 75-ah hri kai hmuh an awmlo thung. Inrinni khan Serchhip District-a TrueNat Laboratory-ah Sample 16 enfiah niin hri kai hmuhchhuah an awm lova, Rapid Antigen Test hmanga Sample 52 enfiah ah hri kai mi 3 hmuh niin Thenzawl khua vek an ni a, Thenzawl ah hian nimin khan hri kai 3 hmuh an ni bawk.

Zirtawpni khan Serchhip District-a hri kai hmuhchhuah mi pakhat chu ZMC atanga chhuahtir niin Inrinni khan Nursing School CCC atangin BSF Sipai pathum leh Serchhip Vengchung-a hri kai hmuhchhuah mi pakhat te chu chhuahtir an ni a, hei bakah hian IAH CCC Thenzawl atangin hri kai mi 5 te chu enkawl dam an ni leh bawk a. Nimin khan IAH CCC, Thenzawl atangin mi 8 enkawl dam an ni bawk.

Heti hian nimin thleng khan Serchhip District-a hri kai hmuhchhuah chu 838 an ni ta a, heng zinga 780 te chu enkawl dam ni tawhin tunah hian hri kai enkawllai mi 55 an la awm a, hri kai zingah mi 3 an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »