Latest News

Serchhip District-ah Vaccine la an pung zel

Serchhip District-ah Inrinni thleng khan mi 39,650 te hnenah COVID-19 Vaccine Dose 1-na pek ni tawhin an zinga mi 13,797 te chu Dose 2-na pek an ni tawh.

Serchhip District-ah hian kumin January thla atang khan COVID-19 Vaccine hi pek niin Inrinni thleng khan Health Care Workers mi 748 te hnenah Dose 1-na pe in an zinga 733 te chu Dose 2-na pek an ni tawh a, Frontline Workers mi 3979 te hnenah Dose 1-na pein an zinga 2316 te Dose 2-na pek an ni tawh bawk. Kum 60 chunglam mi 5370 te hnenah Dose 1-na pein an zinga 4610 ten Dose 2-na an la tawh a, kum 45-59 mi 8535 ten Dose 1-na lain an zinga 6138 ten Dose 2-na an la tawh a, kum 18-44 zingah mi 21,018 ten Dose 1-na la tawhin Dose 2-na la an la awmlo thung.

Mizoram pumah mi 6,29,986 te chu COVID-19 vaccine Dose 1-na pek ni tawhin an zinga 196,982 te chu Dose 2-na pek an ni tawh thung a. Mizoram-ah hian Health Care Workers mi 16,146 te chu Vaccine Dose 1-na pek niin an zinga 12,954 te chu Dose 2-na pek an ni tawh a, Frontline Workers 36,642 te chu Dose 1-na pek ni tawhin an zinga 25,624 te chu Dose 2-na pek an ni tawh bawk. Kum 18-44 mi 3,58,431 te chu Vaccine Dose 1-na pein an zinga 127 ten Dose 2-na an la tawh a, kum 45-59 mi 1,55,011 ten Dose 1-na lain an zinga 1,03,631 ten Dose 2-na an la tawh a, kum 60 chunglam mi 61,812 ten Dose 1-na la tawhin an zinga 53,570 ten Dose 2-na an la tawh bawk a ni. Mizoram pumah hian kum 18 chunglam vaccine la thei atanga chhutin zaa 80 velin vaccine Dose 1-na hi an la tawh a ni.

Comments

Chhiar Hlawhte