Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Hri kai leh dam awm belh

Nimin khan Serchhip District-ah COVID-19 hri kai pakhat hmuhchhuah niin mi 9 enkawl dam an ni bawk.

Nimin a Serchhip District-a hri kai hmuhchhuah hi Serchhip Vengchung ami niin hri kai tawh nen inkawmhnaihna neih avanga inkhunghrang lai a ni. Niminpiah (Pathianni) khan Serchhip District-ah hri kai mi 3 hmuh ni bawkin Thenzawl khua ami an ni a, hri kai tawh nen in-kawmhnaihna nei an ni bawk.

Hetihlai hian nimin khan Serchhip District-a hri kai enkawl mi 9 te chu anmahni en-kawlna hmun atanga chhuahtir an ni thung a, heng hri kai enkawl dam zinga mi 4 te hi Nursing School CCC-a enkawl niin midang 5 hi In lama hri kai enkawl an ni thung a, an vai hian Serchhip Vengchung-a hri kai hmuhchhuah vek an ni.

Heti hian nimin tlai thleng khan Serchhip District-a hri kai hmuhchhuah chu 961 niin an zinga 867 te chu enkawl dam an ni tawh a, tunah hian hri kai enkawllai 91 awmin hri kai zingah mi 3 an boral tawh bawk a ni.

Comments

Popular News (Last 30 Days)