Dawr inhawn dan phung siam danglam leh tha ti

Mizoram Merchant Association (MIMA) General Hqrs. chuan hri leng kara Dawr inhawn chhawk dan tur sawrkar in a siam chu siam danglam tha an tih thu an sawi.

Nimin a thuchhuah an siamah MIMA chuan Hrileng karah Sawrkar in sumdawngte leh nitin ei bar dap chawpte mangan zia hriaa dawr hawn hun leh inhlawhfakna hun a siam chu an lawm hle tih an sawi a. Amaherawh chu SOP hman mekah Dawr inhawn dan tur chu Item Wise-a then a ni tih sawiin, “Item thenkhatte chu a hlawma awm anih avangin inhnaih tak takin an inhawng vek mai dawn a. Hei hi himna kawngah a fuhlo deuh zawk dawnin a lang,” tiin a changin dawr chu inhawng a awm leh bar lo niin an sawi a. Chuvangin A leh B (dawr inkar thlak) a siam tawp chu a him zawk dawn nia a lan thu leh hemi ang hian sumdawngten kar khat-a ni 3 hna an thawk thei dawn bawk tih an sawi.

Sumdawngte chuan hri kai hlauin an fimkhur hle tih pawh sawiin, kum 2020 atanga nitin a inhawng thin damdawi zuar leh Essential Comodities zuarte chuan hri an kaidarh lo hle tih an sawi a. Hei vang hian Lockdown aiin CAB leh SOP tha taka zawm chu a pawimawh thu leh hetiang tur hian sawrkar pawhin ngaihtuah dan zawng se an duh thu an sawi bawk.