Latest News

Ruihhlo hmansual vangin kumin ah mi 34 thi tawh

Kumin January atanga July thla tawp thleng khan Mizoram-ah ruihhlo hmansual vanga thi mi 34 an awm tawh.

    Excise & Narcotics Department chhinchhiah danin kumin January atanga July inkar chhung khan ruihhlo hmansual vanga Mizoram-a thi mi 34 zinga 31 hi mipa niin a dang pathum hi hmeichhia an ni. Mizoram-ah ruihhlo hman sual vanga thi hi mi 1,680 an awm tawh nia chhinchhiah a ni a, an zinga 1,484 hi mipa an ni a, hmeichhia 196 an awm bawk. Tunhnaia ruihhlo hmangtu ten an thihpui tam ber chu Heroin No. 4 a ni. Excise & Narcotics Department thawktu te chuan Rangvamual leh Phunchawng vela zu chhuang/thlawra inhlawh zingah Burma mi an tam hle tih pawh sawiin, tunhnaiah raltlan mi 240 vel an rawn luh thu leh heng zingah hian Zu thlawr-a inhlawh duh an tam thu an sawi bawk.

Comments

Chhiar Hlawhte