Lakhuihthei leh Dragon Fruit thawnchhuak

/

Horticulture Department leh Clover Organic Pvt. Ltd. te tangkawp buatsaihin nimin zing khan a tumkhatna atan Lakhuihthei leh Dragon-Fruit chu Delhi-a thawnchhuah a ni.

Horticulture Centre, Chite-a heng thlai vailiamna hun hi Horticulture Department changtu Addl. Chief Secretary, JC. Ramthanga chuan hmanpuiin hripui leng karah ram pumin harsatna tam tak a tawk a, chutih laia thahnem ngai taka kuthnathawkte thawhrimna leh tumruhna a zara Horticulture Department hmasawnna chanchin lawmawm ram in a nei chu ropui a tih thu a sawi bawk.

Heng thei tharchhuahte hi Air Cargo-in Delhi-ah phur anga, thei thawnchhuah hi Lakhuihthei quintal 11 leh Dragon Fruit quintal 4 a ni a. Lakhuihthei hi quintal 15 thawnchhuah tum a nih laiin Air India in tumkhatah quintal 15 chauh an phurh theih avangin quintal 4 dang hi Vawiin-ah thawn leh tum a ni ang.

Lakhuihthei hi Tuichangral FPC hnuaia Sialhawk khua te tharchhuah niin, anni hi Horticulture Department leh Mission Organic Value Chain Development for Northeast Region (MOV-CDNER) hnuaia kuthnathawktu intelkhawm an ni a. Dragon Fruit hi Kolasib leh Kawlkulh khua atanga thar te a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »