Latest News

I-Day ah chawimawina hlan

Nimin-a India Independence Day lawmna Serchhip-a neih ah kumin a HSLC leh HSSLC Exam-a Serchhip District atanga zirlai tithate leh AB PM-JAY kalpui tha ber te hnenah chawimawina hlan an ni.


Chawimawina hlan te hi HSSLC (Commerce)-a Mizoram puma pakhatna, C. Lalrintluangi d/o C. Lalduhawma, P&E Veng (Oikos HSS Aizawl); Science Subject-a Mizoram puma 5-na F. Remsangpuia s/o F. Remna-lalnghaka, IOC Veng (St. Paul’s HSS Aizawl leh HSSLC-a Mizoram puma 9-na Van-lalhriati d/o Hmingchhuanmawia (L), Dinthar Veng (Marian H/S Serchhip) te niin thuziak leh pawisafai hlan theuh an ni.

Heng bakah hian HSLC leh HSSLC Exam-a titha zirna In te hnenah pawh chawimawina hi hlan niin chawimawina dawngtute hi High School-ah Marian H/S Serchhip, St. Peters’ HSS Chhingchhip, Govt. Bungtlang H/S, Presbyterian English School Serchhip leh Hrangturzo H/S North Vanlaiphai te an ni a. Higher Secondary School-ah Govt. HSS Chhiahtlang, Chhuanthar HSS, Chhuanthar Tlangnuam, Eklavya Model Residential School Serchhip, Khaw-lailung HSS leh Brilliant HSS Serchhip te an ni.

Hei bakah hian Serchhip District chhunga damdawi In hrang hrang zinga AB PM-JAY kalpui tha ber chawimawina chu Serchhip District Hospital hnenah hlan niin Serchhip District Medical Superintendent, Dr. ZD. Lalmuanawma chuan chawimawina hi District Bawrhsap, Kumar Abhishek hnen atangin a dawng a ni.

Comments

Chhiar Hlawhte