Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah hri kai an pung chho leh mek

Niminpiah khan Mizoram-ah Sample 9967 enfiah leh niin heng atang hian hri kai mi 905 hmuhchhuah leh an ni a, Sample enfiah atanga za zela 9.08 te chuan hri kaiin Mizoram-ah hri kai hmuhchhuah hi an pung chho leh tan mek a ni.

Niminpiah khan ZMC-a RT-PCR Laboratory-ah Aizawl leh Serchhip District atanga Sample lak 1177 enfiah niin heng atang hian hri kai 119 hmuhchhuah an ni a, an zinga 116 te chu Aizawl District atanga Sample lak te niin Tuikual South atangin hri kai mi 13 leh Bawngkawn atangin mi 11 hmuhchhuah an ni a, a bak hi Veng leh khua 27 ami an ni. Hei bakah hian Serchhip District atangin hri kai mi 3 hmuhchhuah niin an vaiin Thenzawl khua vek an ni. Niminpiah ah Fluorescent Immunoassay (FIA) Test hmangin Sample enfiah a awmlo thung.

District hrang hranga TrueNat Laboratory-ah Sample 374 enfiah niin heng atang hian hri kai 71 hmuhchhuah an ni bawk a, an zinga 37 te chu Champhai District ami te niin Lawngtlai District-ah 13, Lunglei District-ah 9, Mamit District-ah 5, Serchhip District-ah 4 leh Aizawl, Kolasib leh Hnahthial District-ah pakhat theuh hmuh an ni.

Rapid Antigen Test hmangin niminpiah khan Sample 8416 enfiah ni bawkin heng atang hian hri kai 715 hmuhchhuah an ni a, an zinga 331 te chu Aizawl District ami niin Bawngkawn-ah hri kai mi 17 hmuh leh an ni a, Bethlehem Vengthlang-ah 13 hmuh niin Lengte-ah mi 10 hmuh an ni a, a bak hi Veng leh khua 58 ami te an ni a, Mass Testing neihna Hruiduk-ah hri kai 96 hmuhchhuah niin West Serzawl-ah 20 hmuh an ni bawk.

Heng bakah hian Lunglei District-ah hri kai mi 96 hmuh niin Lunglei khawpui pawnlam a hri kai hmuh chu 3 chiah an ni a, Kolasib District-ah hri kai 91 hmuh ni bawkin Mamit District-ah 62 hmuh niin, Lawngtlai District-ah 61, Siaha District-ah 35, Champhai District-ah 14, Hnahthial District-ah 11, Saitual District-ah hri kai mi 7, Khawzawl District-ah 6 leh Serchhip District-ah hri kai mi pakhat hmuh an ni bawk.

Nimin khan Mizoram-ah hri kai mi 169 te chu enkawl dam an ni ve leh ta, heti hian nimin tlai dar 5:00 thleng khan hri kai hmuhchhuah chu 55,756 niin an zinga 48,249 te chu enkawl dam an ni tawh a, hei hi hri kai hmuhchhuah atangin 86.54 niin tunah hian hri kai enkawllai 7301 an la awm mek a ni.

Hri kai zingah mi 206 boral an awm tawh

Mizoram-a COVID-19 hri kai zingah boral awm belh zelin nimin tlai thleng khan mi 206 an boral tawh a, nizan hmasa dar 8:40 khan KK. Rai (74), Tuikual North chu ZMC-ah boralin nimin zing dar 2:30 khan Lalengmawia (74), zing dar 6:30-ah Lalthakima (48) leh dar 6:35-ah Chawngzika (83) te chu ZMC-ah an boral a, anni pathum te hi Bawngkawn South vek an ni.

Comments

Popular News (Last 30 Days)