Mamit District Hospital sak mek Minister in a tlawh

Health Minsiter Dr. R. Lalthangliana chuan niminpiah khan khum 100 awm theihna tur Mamit District Hospital sak mek chu a tlawh.

Health Minister hi Mamit DC Dr. Lalrozama leh SP, Shashank Jaiswal bakah Health Department hotu ten an lo dawngsawng a, Mamit District Hospital khum 100 lai awm theihna tur sak tan a ni chu hmasawnna lawmawm tak a nih thu Minister chuan sawiin, a satu Zamzo Engineering Construction & Consultancy te chu ram leh hnam tana rotling tak din tur an nih avangin tha taka hna thawk tur leh a sak hun chhung tura ruahman lawk thla 24 chhunga sa zo ngei thei tura hnathawk turin a chah bawk.

District Hospital Mamit hi khum 100 awmna tura ruahman niin cheng vbc. 17.93 senga sak tur a ni a, a building hi cheng vbc. 16.3 a sak tur niin vbc. khat in hmanrua lei a ni ang. Power Finance Corporation Ltd. CSR atangin cheng vbc. 17.93, PFC atangin 70% (12.55) Crore ruahman a ni a. A bak senso zawng chu State sawrkar-in a tum ve thung dawn a ni. Building sak hna thawktute hi Zamzo Engineering, Construction & Consultancy te an ni.