Dr. R. Lalthangliana’n CII Virtual Conference a hmanpui

Confederation of Indian Industry (CII) leh Software Technology Park (STPI) te hmalakna in nimin khan India zalenna kum 75 tlin lawmna tur denchhenin ‘Economic Development in North East -Challenges, Opportunities and The Way Forward’ tih thupui a hmangin Virtual Seminar neih a ni a, he hun hi Commerce & Industries Minister, Dr. R. Lalthangliana chuan a hmanpui a ni.

He Seminar-ah hian Dr. R. Lalthangliana chuan kum 1947 atanga kumin thlenga Mizoram than chhoh dan leh hma kan lo sawn chhoh dan te sawiin, kum 20 lai inkhuahkhirhna hnuaia Mizoram a awm hnua, tuna hmasawnna tam tak a bikin Agriculture, Horticulture, Handloom piah lamah Game Developer, Entertainment Industry leh Nursing lama kan than chakzia te a sawi a. Sawrkar hna indaihlohna phuhrukna atan STPI lam hotute chu Mizo thalai te Technology lama sawrkar hma lakpui turin a sawm bawk.